اترپردیش کے میرتھ میں ہر سال شرد نوراتری کے موقع پر میرٹھ چھاؤنی علاقے میں رام لیلا کمیٹی کے زیر اہتمام رام بارات کا اہتمام کیا جاتا ہے۔پچھلے دو سال سے کورونا وائرس کی وجہ سے اس یاترا کا اہتمام نہیں کیا جا سکا تھا ۔اس سال رام لیلا کمیٹی کی جانب سے 28 ستمبر کو ایک بار پھر سے روایتی انداز میں رام بارات کے اہتمام کا اعلان کیا ہے۔ رام بارات ریلی کی سب سے اہم بات یہ ہے کہ اس کو خوبصورتی کے ساتھ سجانے میں مسلم گریگروں کا بہت اہم رول ادا ہوتا ہے۔Muslim workers play Important Role In Rambaraat Rally In Meerath In Uttar Pradesh
میرٹھ کی صدر علاقے میں رام لیلا کمیٹی کی نگرانی میں منعقد کی جانے والی یہ رام بارات ریلی ہندوستانی سنسکرتی اور گنگا جمنی تہذیب کی مثال بھی پیش کرتی ہے۔رام بارات کی تیاریوں کو لیکر آج کمیٹی کی جانب سے پریس کا اہتمام کیا گیا۔کمیٹی نے پریس کانفرنس کو خطاب کرتے ہوئے رام بارات سے متعلق تمام معلوم فراہم کی ۔
انہوں نے کہاکہ رام بارات کو سجانے کا کام انجام دینے والے مسلم کاریگروں کو بھی اعزاز سے نوازا گیا. کمیٹی کے ذمہ داران کا کہنا تھا کہ رام بارات کی خوبصورتی اور اس کی سجاوٹ کے علاوہ بینڈ باجے پر بھی مسلم کاریگر برسوں سے اپنی خدمات انجام دیتے آ رہے ہیں اور یہی ہمارے ملک کی خوبصورتی بھی ہے.
یہ بھی پڑھیں:Shahi Idgah Case شاہی عیدگاہ معاملہ کی سماعت آج
کورونا وائرس کے سبب دو سال بعد ایک بار پھر سے میرٹھ کینٹومنٹ علاقے میں رام لیلا کمیٹی کے زیر اہتمام نکالی جانے والی رام بارات کا اہتمام کیا جا رہا ہے. برسوں سے رام بارات میں اپنی خدمات انجام دیتے آرہے مسلم کاریگر بھی اس میں اپنا اہم کردار نمایاں کرتے ہیں۔ ہندوستانی ثقافت اور گنگا جمنی تہذیب کی مثال بھی اس رام بارات میں نظر آتی ہے۔خاص بات یہ اس رام بارات کو سجانے والے مسلمان کاریگروں کو خصوصی اعزاز سے نوازا جاتا ہے۔
