اتر پردیش میں مسلم ووٹرس کو ہراساں کیا گیا: ایس پی ایم ایل اے

اتر پردیش میں سات سیٹوں پر ضمنی انتخابات ہوئے تھے جس میں سے بی جے پی نے چھ سیٹوں پر فتح حاصل کی جبکہ ایک سیٹ پر سماجوادی پارٹی نے جیت درج کرائی ہے۔

اتر پردیش میں ہوئے ضمنی انتخابات پر سماجوادی پارٹی کے رکن اسمبلی حاجی رضوان کا کہنا ہے کہ ریاست کے ضلع امروہہ نوگانواں سادات کی سیٹ پر بی جے پی امیدوار کو کامیاب کرانے میں ضلع انتظامیہ کا ہاتھ ہے۔

مرادآباد کے کندرکی حلقہ اسمبلی سے منتخب رکن اسمبلی حاجی رضوان نے میڈیا کو بتایا کہ ضلع انتظامیہ اور ضلع پولس نے مبینہ طور سے بی جے پی کو ان سیٹوں پر کامیاب کرایا ہے۔

حاجی رضوان نے مزید الزام عائد کرتے ہوئے کہا ہے کہ پولس نے ووٹنگ والے دن صبح ہی مسلم علاقوں کے ووٹروں پر لاٹھی چارج کیا جس کے سبب مسلم ووٹرس ووٹ نہیں ڈال سکے۔

بہار اسمبلی انتخابات پر انھوں نے کہا بی جے پی نے بہار میں جیت تو حاصل کی لیکن یہ جیت جعل سازی سے ہوئی ہے۔