اترپردیش میں ضلع شاملی کے قصبہ کاندھلہ کے سرکاری ہسپتال میں آج مسلم علمائے کرام کی بڑی تعداد پہنچ کر کورونا ٹیکہ لگوایا۔ اس موقع پر علمائے کرام نے تمام مسلمانوں کو کورونا ٹیکہ کاری مہم میں بڑھ چڑھ کر حصہ لینے کا مشورہ دیا۔ ٹیکہ لگوانے کے بعد تمام علمائے کرام نے تمام مسلمانوں سے بھی ٹیکہ لینے کی خواہش کی تاکہ وبا کو پھیلے سے روکا جاسکے۔
مسلم علماء نے کورونا کا ٹیکہ لگوایا
اس موقع پر مولانا عاقل صاحب نے ٹیکہ سے متعلق گمراہ کن پروپگنڈہ کی تردید کی۔ انہوں نے تمام لوگوں پر ٹیکہ لگوانے کےلیے زور دیا۔ مولانا نے کہا کہ کورونا ٹیکہ محفوظ ہے۔ ملک بھر میں یکم اپریل سے 45 برس سے زیادہ عمر والے تمام افراد کو کورونا ویکسین دی جارہی ہے۔
