ریاست اتر پردیش کے مرادآباد میں ایس ایس پی پربھاکر چودھری نے گزشتہ دنوں اغوا ہوئے بچے کے ملزمین کا خلاصہ کر جیل بھیج دیا ہے۔
گزشتہ 7 اگست کو مرادآباد میں ایک بچہ لاپتہ ہوگیا تھا۔ مجھولہ تھانہ میں بچے کے ماں باپ نے اطلاع دی تھی کہ ان کے بچے کو کسی نے اغوا کر لیا ہے۔ اور اغوا کرنے والا بچے کو چھوڑنے کے عوض 30 لاکھ روپے کی فروتی مانگ رہا ہے۔
پولیس نے اس معاملے کو سنجیدگی سے لیتے ہوئے اگلے دن ہی بچے کو اترپردیش کے ضلع غازی آباد بس اڈے سے برآمد کر لیا تھا۔
بچے کی برآمدگی کے بعد بچوں کو اغوا کرنے والوں کی پولیس نے تلاش شروع کر دی۔ آج معاملہ کا خلاصہ کرتے ہوئے ایس ایس پی پربھاکر چوہدری نے بتایا کہ بچے کو اغوا کرنے والے کوئی غیر نہیں بلکہ بچے کی خود کی ماں ہی ملزم نکلی۔
پولس نے خلاصہ کرتے ہوئے بتایاکہ بچے کی ماں شکھا تلنگانہ صوبے میں اشفاق سے شادی کرنا چاہتی تھی اور اپنے ہی شوہر سے بچہ اغوا کرنے کا ناٹک کرتے ہوئے 30 لاکھ روپے کی رقم مانگی تھی۔
فی الحال پولس نے معاملہ کا خلاصہ کر بچے کی ماں شکھا اور اس کے عاشق اشفاق کو جیل بھیج دیا ہے۔
