مرادآباد: ہولی کے پیش نظر امن کمیٹی کی میٹنگ

ملک بھر میں ہولی کے تہوار کے پیش نظر جوش و خروش سے تیاریاں چل رہی ہیں اسی لیے تہوار کو پر امن طور پر منانے کے لیے ریاست اتر پردیش کے مراد آباد پولیس لائن میں پیس میٹنگ کا انعقاد کیا گیا۔

اس میٹنگ میں مرادآباد کے ایس ایس پی امت پاٹک اور ڈی ایم راکیش کمار کے ساتھ سبھی تھانہ صدر اور ہر مذاہب کے لوگ موجود تھے۔

پیس میٹنگ کے دوران سبھی نے اپنی اپنی بات کو رکھتے ہوئے کہا کہ 'ہولی کا تہوار آپسی بھائی چارے کا تہوار ہے، رنگ کھیلتے وقت ہمیں ہر مذاہب کے لوگوں کا خیال رکھنا ضروری ہے۔

اس موقع پر سماجوادی پارٹی کے رکن اسمبلی حاجی اکرم قریشی، حاجی رضوان اور شہر کے تمام معزز لوگ موجود رہے۔