Markazi Seerat Committee منا راجا مرکزی سیرت کمیٹی کے صدر منتخب

جونپور میں شوکت علی عرف منا راجا کو مرکزی سیرت کمیٹی کا نیا صدر منتخب کرلیا گیا ہے۔ اس موقع پر اجلاس میں موجود لوگوں نے نو منتخب صدر کا گل پوشی کرتے ہوئے استقبال کیا۔

جونپور: ریاست اتر پردیش کے ضلع جونپور کے شاہی اٹالہ مسجد کے صحن میں گزشتہ روز اتوار کی صبح دس بجے مرکزی سیرت کمیٹی کے سابق صدر حفیظ شاہ کی صدارت میں مرکزی سیرت کمیٹی کی ایک میٹنگ کا انعقاد کیا گیا۔ اس میٹنگ میں شہر کے مختلف سماجی و ملی اداروں اور اکھاڑہ کمیٹیوں کے ذمہ داروں نے شرکت کی۔ میٹنگ کا آغاز محمد اجود قاسمی نے تلاوت قرآن سے کیا۔ اس کے بعد سب کی رضامندی سے شوکت علی عرف منا راجا کو مرکزی سیرت کمیٹی کا نیا صدر منتخب کرلیا گیا۔ اس موقع پر موجود سبھی لوگوں نے نو منتخب صدر کا گلپوشی کرکے استقبال کیا اور انہیں مبارکباد پیش کی گئی۔ آخیر میں مولانا آفاق احمد نے دعا کراکر میٹنگ کا اختتام کیا۔