بے گھر اور مسافرین پر سردی کا قہر، میونسپل کے ناقص انتظامات

بھارت کا شمالی علاقہ ان دنوں سرد ہواؤں کی زد میں ہے اور درجہ حرارت میں غیرمعمولی کمی کے بعد جہاں عام زندگی متاثر ہے وہیں ضلع انتظامیہ اور میونسپل کارپوریشن کے انتظامات کی کمی کی وجہ سے بے گھر افراد اور مسافرین کو مشکلات پیش آرہی ہیں۔

سردی کے موسم میں بے گھر افراد اور مسافروں کے لیے رین بسیروں کے انتظامات کی ذمہ داری مونسپل کارپوریشن کی ہوتی ہے لیکن میرٹھ مونسپل کارپوریشن نے اپنی ذمہ داریوں کو بہتر طریقے سے انجام نہیں دیا ہے. یہی وجہ ہے کہ شدید سردی کے اس موسم میں کارپوریشن کی جانب سے اب تک علاو جلانے کے مناسب انتظامات نہیں کئے ہیں۔

شدید سردی کے موسم میں بے گھر اور غریب لوگ سڑکوں پر رات گزارنے پر مجبور ہیں اور ٹھنڈ سے بچنے کے لیے ان کے پاس محض کچھ پھٹے پرانے کپڑوں کے علاوہ کوئی انتظامات نہیں ہے.

علاو جلانے کے مسئلہ پر ای ٹی وی بھارت نے بلدیہ کے چیف انجینئر یشونت کمار سے بات کی۔ انہوں نے بتایا کہ کہ ابھی تک این جی ٹی نے علاو جلانے پر پابندی عائد کر رکھی تھی لیکن اب اجازت ملنے کے بعد شہر کے مختلف علاقوں میں مونسپل کارپوریشن وافر مقدار میں لکڑیوں کا انتظام کرے گی اور علاو جلانے کے انتظامات کو جلدازجلد مکمل کیا جائے گا۔