جھانسی: ریاست اترپردیش کے ضلع جھانسی میں اتوار کے روز ایک ماں نے اپنے دو ماہ کے بچے کو زندہ نالے میں پھینک کر اسے مار دیا۔ پھر پولیس کو گمراہ کرتے رہے۔ بعد ازاں خاتون نے خود اپنا جرم قبول کیا۔ خاتون نے بتایا کہ میں نے خود لڑکی کو گھر کے پاس والے نالے میں پھینک دی تھی کیونکہ جب سے وہ پیدا ہوئی تھی، میں اس کی دیکھ بھال کے لیے کافی فکر مند تھی۔ خاتون نے دو مہینے قبل جھانسی کے موتھ کمیونٹی ہیلتھ سینٹر میں ایک بچی کو جنم دیا تھا۔ خاتون نے پولیس کو بتایا کہ چھوٹا گھر اور غربت کی وجہ سے وہ بچی کی دیکھ بھال نہیں کرپارہی تھی۔ اس لیے وہ پریشان تھی کہ مستقبل میں بچے کی پرورش کیسے ہوگی۔ اس کے ذہن میں اٹھنے والے ان تمام سوالات سے پریشان ہو کر اس نے یہ اندوہناک واقعہ انجام دیا۔ ایس ایس پی راجیش ایس نے بتایا کہ اتوار کو پولیس کو اطلاع ملی تھی کہ ایک لڑکی گھر سے لاپتہ ہوگئی ہے، جس پر پولیس نے فوری طور پر موقع پر پہنچ کر تحقیقات شروع کردی۔ تقریباً 28 دن بعد پیر کو لڑکی کی لاش گھر کے پاس والے نالے سے ملی جس کے بعد پولیس نے اہل خانہ سے پوچھ گچھ شروع کی۔ بچی کی ماں پر شک و شبہ ظاہر کیا جارہا تھا۔
بچی کی ماں نے پولیس کو بتایا تھا کہ وہ لڑکی کو گھر میں سلانے کے بعد وہ گھر کے پیچھے نالے کے پاس بیت الخلاء گئی تھی۔ جب وہ بیت الخلاء سے واپس آئی تو لڑکی غائب تھی۔ اس نے یہ بھی بتایا تھا کہ شاید کوئی بلی لڑکی کو لے گئی ہو۔ کیونکہ بچی کے قریب بلی کو دیکھا بھی گیا تھا۔ پولیس نے جب تفتیش شروع کی تو ماں کی بتائی ہوئی تمام باتیں گمراہ کن لگیں۔ اس پر پولیس کو بچی کی ماں پر شک ہوا۔ جب اس سے سختی سے پوچھ گچھ کی گئی تو وہ ٹوٹ گئی اور اس نے اعتراف کیا کہ اس نے لڑکی کو قتل کیا ہے۔ خاتون نے ایسا کرنے کے لیے اپنے گھر کی حالت کو ذمہ دار ٹھہرایا۔ اس نے کہا کہ وہ بچی کی پیدائش سے پریشان تھی اور اس کی پرورش اچھے طریقے سے نہیں کرپارہی تھی اور وہ ذہنی توازن کھو بیٹھی تھی اور لڑکی سے تنگ آکر اسے نالے میں پھینک دیا۔ ایس ایس پی راجیش ایس نے بتایا کہ ماں کو گرفتار کرکے جیل بھیج دیا گیا ہے۔
یہ بھی پڑھیں : Woman Killed Her Husband عاشق کے ساتھ مل کر خاتون نے شوہر کو قتل کردیا
