مرادآباد: ایس پی کے رکن اسمبلی حاجی رضوان سے خاص بات چیت

'حکومت کو شاید اس بات کا اندازہ نہیں ہے کہ اگر کسان اترپردیش میں تین سو سیٹیں دے سکتے ہیں تو آنے والے الیکشن میں یہ سیٹ صرف تین بھی ہو سکتی ہیں۔'

اترپردیش کے مرادآباد میں کندرکی اسمبلی حلقہ سے رکن اسمبلی حاجی رضوان نے ای ٹی وی بھارت اردو سے بات چیت کی۔ اس دوران رکن اسمبلی نے کہا کہ 12 فروری کو تحصیل بلاری میں کسانوں کی مہاپنچایت ہونے جا رہی ہے، کسانوں کی اس مہاپنچایت میں مہمان خصوصی کے طور پر کسانوں کے لیڈر نریش ٹکیت شرکت کریں گے۔ اس مہاپنچایت میں ہزاروں کی تعداد میں کسان موجود رہیں گے۔

رکن اسمبلی حاجی رضوان نے مزید بتایا کہ کسانوں کی حمایت میں سماج وادی پارٹی پوری طرح سے قدم سے قدم ملا کر کھڑی ہے۔ پورے ملک میں نئے زرعی قوانین کی واپسی کو لے کر کسان احتجاج کر رہے ہیں لیکن حکومت ان کے مطالبات کو ماننے کے لئے تیار نہیں ہے۔

مرادآباد سے سابق رکن پارلیمنٹ امیدوار رہے عمران پرتاپ گڑھی کے رام پور پہنچنے پر انہوں نے کہا کہ عمران پرتاپ گڑھی انسانیت کے ناطے رکن پارلیمنٹ اعظم خاں کی اہلیہ سے ملنے پہنچے تھے، اس کو سیاسی رنگ نہ دیا جائے۔