ریاست اترپردیش کے مرادآباد میں آج مجلس علمائے ہند کے رہنما مرزا مرتضی اقبال کے ہمراہ شہر کے معززین نے ڈی ایم راکیش کمار سنگھ کو ایک میمورنڈم حوالہ کیا جس میں عیدالاضحیٰ کے موقع پر مساجد اور عیدگاہ میں نماز ادا کرنے کی اجازت دینے کا مطالبہ کیا گیا ہے۔
مرادآباد: عیدگاہ میں نماز عیدالاضحیٰ کی اجازت دینے کا مطالبہ
اس موقع پر مرزا مرتضیٰ اقبال نے کہا ہے کہ عیدالفطر کے موقع پر سارے ملک میں لاک ڈاون نافذ تھا لہذا کسی بھی مسجد یا عیدگاہ میں عید کی نماز ادا نہیں کی گئی لیکن عیدالاضحیٰ کے موقع پر ملک میں لاک ڈاون نافذ نہیں ہے اسی لیے اب عید کی نماز ادا کرنے کی اجازت دی جانی چاہئے۔
انہوں نے مزید کہا کہ عیدالاضحیٰ کے موقع پر شہر صاف ستھرائی کا خاص خیال رکھا جانا چاہئے جبکہ مرادآباد کو اسمارٹ سٹی کا درجہ حاصل ہے۔
