ریاست اترپردیش کے مرادآباد کے کلکٹر دفتر پر راشٹریہ لوک دل مہانگر یونٹ نے مرادآباد ڈی ایم راکیش کمار سنگھ کے معرفت یوپی کے گورنر اور وزیر اعلی کو ایک میمورنڈم سونپا۔
دیکھیں ویڈیو
اس دوران مرادآباد یونٹ کے راشٹریہ لوک دل کے مہانگر صدر سید راشد علی نے کہا کہ 'مرادآباد دستکاری کا ضلع ہے، اس سے بہت سے لوگوں کا روزگار وابستہ ہے، اس لیے مرادآباد کے دستکاروں کے لیے اسپیشل پیکیج دیا جائے تاکہ وہ اپنے روزگار کو بڑھا سکیں۔'
ساتھ ہی انہوں نے کہا کہ 'تعلیم یافتہ بے روزگار نوجوانوں کو 100 فیصدی روزگار سے جوڑا جائے اور 22 مارچ 2020 سے 3 مئی 2020 تک بجلی کا بل معاف کیا جائے۔'
پورے ملک میں لاک ڈاؤن لگ جانے کی وجہ سے کاروبار کے حالات بگڑ چکے ہیں لہذا مرکزی حکومت اور صوبائی حکومت زمینی سطح پر منصوبے چلا کر روزگار کے حالا ت کو درست کریں۔
