ریاست اتر پردیش کے ضلع مراد آباد میں کلکٹریٹ پر آنگن واڑی کارکنان اور سہائیِکا ویلفیئر ایسوسی ایشن نے ڈی ایم کے ذریعہ وزیراعلیٰ کو میمورنڈم بھیجا۔
وزیر اعلیٰ کو بھیجے گئے میمورنڈم میں کہا گیا کہ اتر پردیش کے بدایوں کے ایک مندر میں آنگن واڑی کارکن کی مبینہ اجتماعی جنسی زیادتی اور قتل کے قصورواروں کو فوری طور پر پھانسی کی سزا دی جائے۔
ششی کلا، صوبائی سکریٹری، آنگن واڑی یونین
میمورنڈم میں مزید کہا گیا کہ 'متاثرہ کے اہل خانہ کو ایک کروڑ روپے کا معاوضہ اور کسی ایک کو سرکاری نوکری دی جائے نیز اس معاملے میں لاپرواہی برتنے والے پولیس افسران کو معطل کیا جائے۔
اس کے علاوہ علاقے میں منشیات کی خرید و فروخت پر بھی قدغن لگانے کی اپیل میمورنڈم میں کی گئی ہے۔
