ماہ محرم کا آغاز، خواتین غم حسین میں غرق

ماہ محرم الحرام کا چاند نمودار ہوتے ہی پوری دنیا میں غمِ حسین میں مجلس، ماتم نوحہ، عزاداری کا اہتمام کیا جاتا ہے اور امام بارگاہیں سجتی ہیں۔

محرم الحرام کا آغاز ہو چکا ہے لہٰذا ضلع بنارس میں حضرت امام حسین کو لوگ یاد کر کے ان کے پیغامات کو عام کر رہے ہیں۔

بنارس کے دوسی پورہ علاقہ میں واقع امام باڑہ میں خواتین نے حضرت امام حسین کی بارگاہ میں دعا، درود و وظائف پڑھ کر کے ایصال ثواب کیا اور امامِ حسین کی شہادت کو یاد کیا۔

مجلس اور نوحہ کا سلسلہ شروع ہو گیا ہے۔ اس وقت بنارس کے بیشتر مسلم گھروں میں مجلس عزاداری کا اہتمام کیا جا رہا ہے، ماہ محرم الحرام کا چاند نمودار ہوتے ہی شیعہ مکتبِ فکر کی خواتین اپنی چوڑیاں توڑ دیتی ہیں، زیورات نکال دیتی ہیں اور کالے لباس زیب تن کرتی ہیں۔

ماہ محرم کا آغاز، خواتین غم حسین میں غرق

جس کا مقصد ہوتا ہے کہ غمِ حسین میں شریک ہیں اور حضرت امام حسین کی شہادت کو یاد کر خراج عقیدت پیش کرتے ہیں۔