بنارس ہندو یونیورسٹی کے ایم پی تھیٹری میدان میں ڈی آر ڈی او کے سخت محنت کے بعد عارضی طور پر کووڈ یسپتال 16 دن میں تیار ہو چکا ہے، آج سے ڈرائی رن کا عمل شروع ہوگا، یہ عمل 48 گھنٹوں تک جاری رہے گا اس دوران تمام طبی سہولیات کی جانچ کی جائے گی اس کے بعد اسپتال میں مریضوں کو داخل کیا جائے گا۔
امید کی جا رہی ہے کہ اگلے ہفتے سے مریضوں کو ایڈمٹ کیا جائے گا، ڈی آر ڈی او نے جنگی پیمانے پر کام کرکے اسپتال کو جدید طبی تکنیک سے لیس کیا ہے۔ 750 بستر والے اس اسپتال کو پدم بھوشن موسیقی کار آنجہانی راجن مشرا کے نام وقف کریں گے۔
بی ایچ یو ایم پی تھیٹر اسٹیڈیم میں بنے اس اسپتال میں 250 بستر پر ونٹیلیٹر کی سہولت موجود ہے اس کے علاوہ پانچ سو بستر پر آکسیجن کی سہولت موجود ہے۔
فوج کے ڈاکٹرز کے ساتھ بی ایچ یو کے ڈاکٹر اسپتال میں مریضوں کا علاج کریں گے اس کے ساتھ ہی نرس اور ٹیکنیشن کی تعیناتی کے لیے لیے مقامی سطح پر انٹرویو بھی لیے گئے ہیں جلد ہی ان کی تقرری بھی ہو جائے گی۔
اس عارضی اسپتال کے بارے میں بنارس کے ڈسٹرکٹ مجسٹریٹ کوشل راج شرما نے بتایا ہے کہ دیگر اسپتالوں سے منتقل کردہ مریضوں کو ہی اس اسپتال میں داخل کیا جائے گا، براہ راست آنے والے مریضوں کو اس میں ایڈمٹ نہیں کیا جائے گا اگر بستر خالی ہی رہتے ہیں تو بعد میں مریضوں کو براہ راست ایڈمٹ بھی کیا جاسکتا ہے۔
