کانگریس پارٹی کی جنرل سکریٹری پرینکا گاندھی واڈرا نے مودی حکومت کو سب سے کمزور حکومت قرار دیا ۔ انہوں نے کہا ہے کہ جو حکومت کمزور لوگوں کی آواز کو دباتی ہے وہ سب سے کمزور حکومت ہے۔
بارہ بنکی کے اسرولی میں کانگریس امیدوار تنج پنیا کی حمایت میں ریلی سے خطاب کرتے ہوئے پرینکا گاندھی نے کہا کہ وزیر اعظم کہتے ہیں کہ ان کا سینا 56 انچ کا ہے لیکن سچ یہ ہے کہ وہ بہت کمزور ہیں۔
انہوں نے کہا کہ مودی حکومت کمزوروں کی آواز دباتی ہے وہ طاقتور کیسے ہو سکتی ہے۔ انہوں نے کہا کہ وزیراعظم اپنے خلاف تنقید سن نہیں سکتے، حزب اختلاف کچھ کہتا ہے تو انہیں برداشت نہیں ہوتا۔
پرہیکا گاندھی نے کہا کہ رائے بریلی میں بننے والے اسپائیس پارک سے بارہ بنکی کے لوگوں کو بھی کافی فائیدہ ہوگا۔ انہوں نے انتخابی جلسہ میں مودی حکومت پر شدید تنقید کی اور دعوی کیا کہ پانچ برس میں ترقی کا کوئی کام نہیں ہوا ہے اور عوام پریشان ہے۔
