سماج وادی پارٹی کے سابق قومی ترجمان عمیق جامعی کا کہنا ہے کہ عوام کی توجہ اصل مسسائل سے ہٹانے کے لیے بی جے پی اور آر ایس ایس ہمیشہ سے کسی فرضی دشمن کو سامنے کھڑا کر دیتی ہیں، چاہے وہ تبلیغی جماعت ہو یا کسی ایک خاص مذہب سے تعلق رکھنے والے ہوں۔ بی جے پی عوام کو اصل مسلئے کو بھٹکانے کے لیے مذہب کا استعمال کرتی ہے۔
عمیق جامعی نے مزید کہا کہ مرکزی حکومت کے سامنے مزدوروں، غریبوں کی پریشانی ہے اس کے علاوہ اسپتال میں ڈاکٹرز نہیں ہیں اور اگر ڈاکٹرز ہیں تو دوائی ملنا مشکل ہے جس کی بنأ پر ان سب ناکامیوں پر پردہ ڈالنے کے لیے بی جے پی اور آر ایس ایس نے یہ فنڈا اپنا رکھا ہے کہ مودی نے تو بہت کوشش کی ہے لیکن ایک خاص مذہب سے تعلق رکھنے والے لوگوں کی وجہ سے ان کی ساری کوششیں ناکام ثابت ہو رہی ہیں۔
عمیق جامعی نے کہا کہ ملک میں کورونا وائرس بڑھتا ہی جارہا ہے لہذا سبھی کو اس کے لیے ایک ساتھ کام کرنا ہوگا، سبھی کو ذات مذہب سے اوپر اٹھنے کی ضرورت ہے۔
