اترپردیش میں کشی نگر کے علاقے کے ایک کھڈا گاؤں کی آٹھویں جماعت کی طالبہ سے 12 ویں کے طالب علم کی جانب سے عصمت دری کرنے کا معاملہ منظر ِ عام پر آیا ہے۔
متاثرہ کے والد کی تحریری شکا یت پر پولیس ملزم کو حراست میں لے کر پوچھ گچھ کر رہی ہے ۔
واقعہ کی اطلاع موصول ہوتے ہی طالبہ کی ماں صدمہ کی وجہ سے بیمار ہو گئی ۔
تحریری شکایت میں بتایا کہ جمعہ کی شب طالبہ رفع حاجت کے لئے جا رہی تھی کہ ملزم چاقو دکھا کر اسے اپنے ساتھ گاؤں کے باہر باغ میں لے گیا اور اس کی عصمت دری کی ۔ کچھ دیر بعد وہ گھر پہنچی تو اس کی بگڑی حالت دیکھ کر اہل خانہ پریشان ہو گئے۔
طالبہ نے ماں کو اپنے ساتھ پیش آئے واقعہ کے متعلق بتایا ۔ تو ماں صدمے سے رونے لگی ۔ رات میں ماں کی طبیعت بگڑ گئی ۔
اہل خانہ ماں بیٹی کو اسپتال لے گئے۔ دونوں کی طبیعت مستحکم ہونے بعد ہفتہ کو متاثرہ کے والد نے تھانے میں تحریری شکایت درج کرا ئی۔
اس سلسلے میں ایس او رام آشیش یادو نے بتایا کہ ملزم کو حراست میں لے کر پوچھ گچھ کی جا رہی ہے ۔ جانچ کے بعد معاملہ درج کیا جائے گا ۔
