ریاست اترپردیش کے ضلع مظفرنگر کے تھانہ علاقہ جانسٹھ میں حیوانیت کی شکار ہوئی چار سال کی بچی کی علاج کے دوران موت ہوگئی، چار دن قبل گھر سے لاپتہ ہونے والی معصوم بچی خون میں لتھ پتھ جنگل میں پائی گئی جسے علاج کے لیے میرٹھ کے ہسپتال میں داخل کرایا گیا جہاں چار دن سے موت کے ساتھ لڑنے والی معصوم کی آج موت ہو گئی۔Muzaffarnagar Crime
پولیس چوکی میرا پور علاقے کے گاؤں میں پولیس کو چار سال کی بچی بے ہوشی حالت میں سڑک کے کنارے پڑی ملی تھی، پولیس نے بچی کو ہسپتال میں داخل کرایا اور اور چھان بین شروع کر دی تھی۔ پولیس کے مطابق اتوار کے روز صبح کے وقت ایک نوجوان جو رشتے میں منہ بولا چاچا لگتا ہے گھر سے لے گیا تھا، پولیس نے بچی کو گھر سے لے جانے والے نوجوان کو حراست میں لے کر پوچھ گچھ کی تو اس نے لڑکی کو شناخت شدہ تانترک کے حوالے کرنے کی بات کہی۔
متاثرہ لڑکی کی والدہ نے سونی کشیف اور دوسرے ساتھی کے خلاف مقدمہ درج کیا تھا، بدھ کی صبح میرٹ کے ایک ہسپتال میں علاج کے دوران زندگی اور موت سے جنگ لڑنے والی معصوم بچی نے دم توڑ دیا۔ دونوں ملزمان کے خلاف قتل کا اور جنسی زیادتی کا مقدمہ درج کرکے ایک ملزم کو گرفتار کر لیا گیا ہے، جبکہ ایک ملزم پولیس کی گرفت سے ابھی باہر ہے جس کی تلاش جاری ہے۔
