ریاست اترپردیش کے وزیر خزانہ سریش کھنہ نے معائنے کے دوران ایک ایک چیز کو باریکی سے دیکھا۔ اس دوران وہ ٹریزری دفتر کی صاف صفائی سے مطمئن نظر نہیں آئے۔
ریاستی وزیر خزانہ نے معائنہ سے قبل ایک تقریب میں شرکت کی۔ اس کے بعد وہ سیدھے کلکٹریٹ واقع ٹریزری دفتر پہنچے۔ دفتر پہنچتے ہی وہ کیبن میں گئے اور صاف صفائی کی صورتحال کا جائزہ لیا۔
وزیر خزانہ نے خود اپنے ہاتھوں سے دفتر کا سامان ہٹا ہٹا کر صفائی کا جائزہ لیا۔ انہوں نے اپنی انگلیوں کو شیشے اور دیواروں پر پھیرا، اس کے بعد گرد و غبار ٹریزری افسر کو دکھایا۔ حالانکہ وزیر خزانہ غصہ تو نہیں ہوئے لیکن انہوں نے گندگی کو لے کر طنز ضرور کیا۔ اس کے بعد وزیر خزانہ نے اسٹیمپ فروخت کا رجسٹر دیکھا اور اسے دیکھ کر ٹریزری افسر سے متعدد سوالات کیے، بعد میں ٹریزری دفتر کے خاص کیبن کا بھی جائزہ لیا۔
اترپردیش کے وزیر خزانہ سریش کھنہ نے بتایا کہ معائنے میں انہیں گندگی کے علاوہ اور کوئی خامی نہیں ملی۔
