نوئیڈا کے سیکٹر 11 میں واقع میٹرو ہسپتال میں ، کورونا وائرس کے پیش نظر لوگوں کو معلومات فراہم کی گئی۔
پریس کانفرنس میں ، ہسپتال کے ڈاکٹر دیپک تلوار نے کورونا وائرس کی علامات اور روک تھام کے تعلق سے معلومات فراہم کی۔
انہوں نے کہا کہ کورونا وائرس 100 سے زیادہ ممالک میں پھیل چکا ہے اور بھارت کی کچھ ریاستوں میں وبائی بیماری کا اعلان کیا گیا ہے۔
اس کو دھیان میں رکھتے ہوئے، میٹرو ہسپتال کے چیئرمین ڈاکٹر پرشوتم لال کورونا وائرس کے بارے میں شعور پیدا کررہے ہیں اور اسے روکنے کے طریقے عام آدمی تک پہنچانے کے لئے کوشاں ہیں۔
ڈاکٹر سونیا لال گپتا کی سربراہی میں سی ایس آر کا ایک اقدام کورونا کے ذریعہ کیا گیا ہے۔
اس موقع پر ، ڈاکٹر صفیق محمد نے بتایا کہ ہسپتال کے داخلی راستے پر اسکریننگ ڈیسک قائم کیا گیا ہے تاکہ لیٹ اس فائٹ کورونا اقدام سے کورونا وائرس کے انفیکشن کی ابتدائی علامات کا پتہ لگایا جاسکے۔ اس کی اطلاع عام عوام کو دی جارہی ہے۔
اس موقع پر ڈاکٹر سونیا لال گپتا نے کہا کہ بھارت میں ایچ 01 اور این 01، سوائن فلو کی طرح اور بھی کی طرح بیماریاں ہیں ۔ جو کورونا سے زیادہ پھیلی ہوئی ہیں۔ اس لئے ہم سبھی کو ہاتھ صاف رکھنا چاہیے جس سے ہم ان بیماریوں سے دور رہ سکتے ہیں۔
چین سے شروع ہونے والی نئی بیماری جس نے دیکھتے ہی دیکھتے دنیا کے کئی ممالک کو اپنی لپیٹ میں لے لیا، ہر شخص کو خوف میں مبتلا کر دیا ہے۔
یہ بیماری انسان کے نظامِ تنفس پر حملہ کرتی ہے اور کچھ ہی دنوں میں انسان موت کے منہ میں چلا جاتا ہے۔
ڈاکٹر تلوار کے مطابق کرونا وائرس کے لیے کوئی ویکسین اور علاج تاحال دستیاب نہیں۔ اس سے بچنے کے لیے حفاظتی تدابیر اختیار کریں ،جن میں ہاتھ دھونا، گندے ہاتھ منہ، ناک اور کان پر نہ لگانا، منہ پر ماسک پہننا اور ان لوگوں سے فاصلہ رکھنا، جو اس مرض میں مبتلا ہوں۔ اس بیماری کا پھیلاؤ کھانسی، ہوا، چھینکوں، مریض کو ہاتھ لگانے یا جن اشیا پر یہ وائرس موجود ہو، سے ہوتا ہے۔
انہوں نے مزید کہا کہ اگر طبیعت خراب ہو تو زیادہ لوگوں سے میل جول نہ کریں، اپنے منہ اور ناک کو ڈھانپ لیں۔ اگر کرونا وائرس کے علاج پر بات کریں تو اس کا اب تک کوئی علاج نہیں ہے۔ اگر کوئی کرونا وائرس میں مبتلا ہوجائے تو اس کی علامات پانچ سے چھ دن میں ظاہر ہو جاتی ہیں۔
عالمی ادارہ صحت کے سربراہ" ٹیدروس ایڈہانوم گریبیس "نے اس مرض کے وبائی ہونے کی تصدیق کر دی ہے لیکن اچھی خبر یہ ہے کہ یہ تاریخ کی پہلی وبائی بیماری ہوگی جس پر قابو پایا جا سکے گا۔
اقوام متحدہ کی تجارت برائے ترقی (یو این سی ٹی اے ڈی) کے نمائندہ رچرڈ کوزول رائٹ نے واضح کیا کہ رواں برس عالمی معیشت کو 10 کھرب سے 20 کھرب ڈالر کے درمیان نقصان پہنچ سکتا ہے۔
