میرٹھ:ریاست اتر پردیش کے ضلع میرٹھ میں سماجی تنظیم ہم خیال فاؤنڈیشن کے زیر اہتمام بیاد ڈاکٹر انجم جمالی مشاعرے میں مغربی اتر پردیش کے مشہور و معروف شعراء کرام نے اپنے کلام سے ان کو یاد کیا۔
اس موقع پر ڈاکٹر انجم جمالی کے فرزند انجینئر رفعت جمالی نے کہا کہ سماجی تنظیم ہم خیال فاؤنڈیشن جس طرح سے شاعری کی دنیا میں اپنی خدمات دینے والے پرانے شعراء کو یاد کرتی ہے۔ وہ قابل ستائش ہے ۔آج ان کے والد کے نام پر جو محفل سجائی گئی ہے۔ وہ اس سے بہت خوش ہیں۔
ان کا مزید کہنا ہے کہ اس طرح کی محفلوں سے ہم نہ صرف اپنے قدیمی شعراء کو یاد کرتے ہیں بلکہ ان سماجی اور ادبی خدمات کو جاننے کا موقع ملتا ہے۔ یہ ایک بہتر قدم ہے۔ اس طرح کے پروگرام کی بے حد ضرورت ہے تاکہ ہم اپنے پرانے شعراء کے نہ صرف کلام کو سننے کا موقع ملتا ہے۔ ان کی ادبی خدمات سے بھی واقف ہو سکتا ہے۔
یہ بھی پڑھیں:جامعہ میں ثقافتی پروگرام
انہوں نے کہاکہ سماجی تنظیم ہم خیال فاؤنڈیشن کی جانب سے شعرا کرام، ادیب اور مصنف کی خدمات کو منظرعام پر لانے کے لئے جو اقدامات اٹھائے گئے وہ قابل تعریف ہے۔اس سلسلے کو جاری رکھنے کی کوشش کرنی چاہئے تاکہ ہماری نوجوان نسل شعرا کرام، ادیب اور مصنف کی خدمات سے واقف ہو سکے۔
