ریاست اترپردیش کے ضلع گونڈا کا دیوانش ابھی صرف دو برس کا ہے۔ اس کمسنی میں انہیں اترپردیش کے تمام اضلاع کے نام یاد ہیں۔ دیوانش اتیاٹھوک بلاک کے پرائمری اسکول بھیکھم پوروا کے ہیڈ ماسٹر منوج مشرا کا بیٹا ہے۔ دو سال کا دیوانش ضلع میں زیربحث بنا ہوا ہے، گوگل بوائے دیوانش گوگل گرل انشیکا کا چھوٹا بھائی ہے۔
جس طرح گوگل گرل انشیکا مشرا نے انڈیا بک آف ریکارڈز، ایشیا بک آف ریکارڈز جیسے بہت سے ریکارڈ اپنے نام کیے ہیں۔ دیوانش کے اندر بھی کچھ ایسی ہی خصوصیات ہیں۔ مقامی لوگوں کا خیال ہے کہ آنے والے وقت میں دیوانش بھی اپنی بڑی بہن کی طرح حیران کن کام کرے گا۔
دیوانش چند منٹ میں ریاست کے تمام اضلاع کے ناموں کے ساتھ ساتھ عمومی معلومات کے درست جوابات دیتے ہیں۔ دیوانش اپنی صلاحیتوں کا لوہا منوا رہا ہے۔ دیوانش کے والد منوج نے بتایا کہ میری بیٹی انشیکا سے متاثر ہوکر بیٹا بھی بہن کے راستے پر آگے بڑھنا چاہتا ہے۔ وہ بھی ضلع اور ملک کا نام روشن کرنا چاہتا ہے۔
