ادھر میرٹھ کے اے ڈی جی پرشانت کمار کی اہلیہ ڈمپل ورما نے ماسک اور سینی ٹائزر بنانے میں مصروف خواتین پولیس اہلکاروں کے کاموں کا جائزہ لیا۔اور انکی حوصلہ افزائی بھی کی۔
خواتین پولیس عملہ ماسک بنانے میں مصروف
واضح رہے کہ میرٹھ پولیس لائن میں روزانہ تقریباً 1500 ماسک تیار کئے جاتے ہیں۔ اس کے علاوہ سینی ٹائزر بھی تیار کیا جاتا ہے۔
خواتین پولیس عملہ کی اس خدمات کا جائزہ لینے اور ان کی حوصلہ افزائی کے پیش نظر ڈمپل ورما آج پو لیس لائن پہنچی اور کام میں مصروف خواتین پولیس عملہ کی امداد بھی کی۔
اس موقع پر ڈمپل ورما نے کہا کہ کورونا وائرس سے بچنے کےلئےماسک اور سینی ٹائزر کا استعمال کار آمد ہے۔
انہوں نے مزید کہا کہ وہ اپنے محکمہ یوا کلیان سے تین دنوں کی چھٹی لے کر وہ یہاں آئی ہیں تاکہ وہ بھی کورونا وائرس کے خلاف جاری اس مہم کا حصہ بن سکیں۔
