میرٹھ کے تھانہ ریلوے روڈ علاقے میں واقع دگمبر جین مندر سے لاکھوں روپے اور قیمتی سامان کا سرقہ کیا گیا تھا جبکہ پولیس نے سارقین کے گروہ کو گرفتار کرلیا ہے۔
پولیس نے سارقین کے گروہ کے قبضہ سے مسروقہ مال برآمد کرلیا اور گروہ کے ارکان کے تعلق سے مزید تحقیقات کی جارہی ہے جبکہ ابتدائی تحقیقات میں سارقین کو ایک سیاسی پارٹی کی حمایت حاصل ہونے کا بھی انکشاف ہوا ہے۔
میرٹھ میں گذشتہ 21 دسمبر کو ریلوے روڈ علاقے کے دگمبر جین مندر میں چوری کی واردات پیش آئی تھی۔ پولیس نے اس کیس کو حل کرتے ہوئے بدمعاشوں کو گرفتار کرلیا اور مسروقہ مال کو برآمد کرلیا۔
پولیس کے مطابق گرفتار بدمعاشوں میں سے ایک بدمعاش ایک سیاسی پارٹی کے رہنما کا بٹا ہے۔ پولیس اس کیس کی مختلف زاویوں سے تحقیقات کر رہی ہے۔ دگمبر جین مندر میں چوری کی اس واردات کو بدمعاشوں نے سافٹ ٹارگیٹ مان کر انجام دیا تھا۔
