پولیس نے اجتماعی جنسی زیادتی کے الزام میں 2 ملزمین کو گرفتار کیا ہے۔ اطلاعات کے مطابق میرٹھ کے سردھنہ تھانا علاقے کے کپساڑ گاؤں میں نویں جماعت کی طالبہ کو گاؤں کے ہی لکھن اور اس کے دوستوں نے ملکر مبینہ طور پر جنسی زیادتی کا نشانہ بنایا تھا جس کے بعد لڑکی نے زہر کھاکر خودکشی کر لی۔
میرٹھ: اجتماعی جنسی زیادتی کے بعد طالبہ نے خودکشی کرلی
پولیس کے مطابق ملزم لکھن متاثرہ کے ساتھ ٹیوشن پڑھتا تھا۔ لکھن اور اسکے تین دوستوں نے طالبہ کے ساتھ جنسی زیادتی کی جس کا ذکر طالبہ نے اپنے سوسائڈ نوٹ میں بھی کیا۔ وہیں لڑکی کے والدین نے ملزمین پر ہی زہر دینے کا الزام عائد کیا۔ پولیس نے جنسی زیادتی اور خودکشی کے سلسلہ میں مقدمہ درج کرکے تحقیقات کا آغاز کردیا ہے جبکہ ملزم لکھن اور اسکے ایک دوست کو گرفتار کرلیا گیا تاہم دیگر کی تلاش کی جارہی ہے۔
