میرٹھ: تبدیلی مذہب معاملوں کے خلاف احتجاجی مظاہرہ

ملک بھر میں مبینہ طور پر مذہب تبدیلی کے معاملوں پر بھگوا سیاسی جماعتوں ک علاوہ بعض ہندو و سکھ تنظیموں کی جانب سے احتجاجی مظاہرے کئے جارہے ہیں۔ مظاہروں کے دوران تبدیلی مذہب کو روکنے کےلیے قانون بنانے کا مطالبہ کیا جارہا ہے۔

میرٹھ میں مذہب تبدیلی کے خلاف قانون لانے کا مطالبہ کرتے ہوئے ہندو اور سکھ تنظیموں کی جانب سے مطالبہ کیا جارہا ہے۔ ضلع میں ہندو جاگرن منچ، اے بی وی پی، وشوا ہندو پریشد اور راشٹریہ سکھ سنگت کی جانب سے کمشنری سے کلکٹریٹ تک ایک احتجاجی ریلی نکالی گئی اور صدر جمہوریہ کے نام میمورنڈم پیش کیا گیا۔

بعض لوگوں کا ماننا ہے کہ مذہب تبدیلی معاملوں کو لیکر اچانک ہورہے احتجاج کے پیچھے کچھ سیاسی پارٹیاں ہیں جن کا مقصد مذہبی جذبات کو بھڑکاتے ہوئے سیاسی فائدہ حاصل کرنا ہے۔ وہیں مذہبی منافرت پھیلانے والی بیان بازی سے بھی ملک میں امن و امان اور ہم آہنگی کے ماحول کو خطرہ لاحق ہے۔