ریاست اترپردیش کے ضلع میرٹھ کے نور نگر علاقے میں ان دنوں بارش کا پانی سڑکوں کے ساتھ ساتھ لوگوں کے گھروں میں جمع ہو جا رہا ہے جس کے سبب انہیں کافی دقتوں کا سامنا کرنا پڑ رہا ہے۔
مقامی افراد اس بات سے اتنے پریشان ہوگئے ہیں کہ وہ اپنے مکان کو فروخت کر کے دوسرے علاقوں میں رہائش اختیار کرنا زیادہ بہتر سمجھ رہے ہیں۔
تفصیلات کے مطابق میرٹھ کے نور نگر میں بارش کے ایام میں جا بجا سڑکوں پر پانی بھر جاتا ہے جبکہ یہ پانی ان کے گھروں میں بھی داخل ہو جاتا ہے۔
بارش کا پانی جمع ہوجانے کے سبب اس علاقے کے لوگ سرکاری محکموں کے چکر لگا لگا کر تھک چکے ہیں اور اب اپنے مکانوں کو فروخت کرکے ہجرت کرنے کے لیے تیار ہیں۔
اس علاقے میں مکان فروخت کرنے کے لیے مقامی لوگوں نے اپنے گھروں کے باہر مکان فروخت کرنے کا پوسٹر بھی چسپاں کر دیا ہے ۔
میرٹھ شہر کے نور نگر کے یہ لوگ حکومت كو ٹیکس کی ادائیگی تو کرتے ہیں لیکن علاقے میں ترقیاتی کام نہ ہونے سے اب یہ لوگ اپنے گھروں كو فروخت کر نقل مکانی کے لیے مجبور ہیں۔
