ریاست اتر پردیش کے ضلع میرٹھ کا جلی کوٹھی علاقہ بینڈ باجے کے سازو سامان اور اس سے جڑے کاریگروں کے نام سے منسوب ہے اور میرٹھ کی نادر علی بینڈ کمپنی بھی پوری دنیا میں اپنی پہچان رکھتی ہے لیک لاک ڈاؤن کے سبب یہ صنعت بدحالی کا شکار ہے۔
میرٹھ کی بینڈ باجا صنعت ایشیا میں اپنا منفرد مقام رکھتی ہے۔ یہاں کے تیار کیے بینڈ کے ساز و سامان ملک ہی نہیں بلکہ بیرون ممالک میں بھی درآمد کئے جاتے ہیں لیکن کورونا وائرس کے سبب ملک میں لاک ڈاؤن کی وجہ سے یہ انڈسٹری بدحالی کے دور سے گزر رہی ہے جس کے بعد اس سے منسلک افراد حکومت سے مدد کی اپیل کی ہے۔
کورونا وائرس کے سبب ملک میں نافذ کئے گئے لاک ڈاؤن کی وجہ سے اب اس انڈسٹری سے منسلک افراد (كاروباری اور کاریگر) بے روزگار ہوگئے ہیں اور حکومت سے مدد کی اپیل کر ہے ہیں۔
بینڈ صنعت سے منسلک افراد نے کہا کہ 'اگر اس انڈسٹری کو حکومت کی جانب سے کوئی مدد نہیں ملی ہو یہ صنعت برباد ہو جائے گی۔
واضح رہے کہ كورونا وائرس کی روک تھام کے لیے ملک میں نافذ لاک ڈاؤن کے سبب تقریباً ہر شعبہ متاثر ہوا ہے۔
