ریاست اترپردیش کے شہر میرٹھ میں حضرت علی رضی اللہ تعالی عنہ کی یوم ولادت کے موقع پر 12 رجب سے 14 رجب المرجب تک تین روزہ جشن علی تقریبات کا اہتمام کیا گیا۔ اس سلسلے میں میرٹھ میں مختلف مقامات پر جشن علی کے عنوان سے علی ڈے تقریبات منائی گئی۔
جشن علی تقریب میں حضرت علی کے پیغامات کو عام کرنے کی بات کہی گئی۔ میرٹھ کے حسینی چوک پر علی کی شان میں منقبت کا نذرانہ پیش کیا گیا۔
وہیں شاہ پیر صاحب کی مزار پر بھی حضرت علی کی مناسبت سے پروگرام منعقد کیا گیا۔ اس موقع پر درگاہ کے سجادہ نشین کا کہنا تھا کہ حضرت علی کی تعلیمات پوری امت کے لئے ہے وہ سب کو پیار محبت سے رہنے کا پیغام دیتی ہے۔
انہوں نے میرٹھ میں حضرت علی علیہ السلام کی یوم پیدائش کے موقع پر منعقدہ اجلاس کا مقصد بھی یہی ہے کہ ان کے پیغام کو عام کیا جائے کیونکہ علی کا پیغام کسی ایک فرقہ یا قوم کے لئے نہیں بلکہ وہ سب کے لئے ہے۔
