ریاست اتر پردیش کے ضلع میرٹھ میں بھی کورونا ٹیکہ کاری مہم میں تیزی دیکھی جا رہی ہے۔ میرٹھ کے مختلف ویکسینیشن سینٹروں پر کورونا ٹیکہ لگوانے والوں کی لمبی قطاریں دیکھنے کو مل رہی ہیں۔ کورونا ویکسینیشن کرانے کو لیکر اب عوام میں بیداری بھی دیکھنے کو مل رہی ہے۔
عوام کا کہنا ہے کہ کورونا وبا کی دوسری لہر کے بعد جس طرح سے اب تیسری لہر کا خدشہ ظاہر کیا جا رہا ہے اس کو دیکھتے ہوئے لوگ ویکسین لگوانے سینٹروں پر پہنچ رہے ہیں۔ ان میں زیادہ تعداد کورونا کا پہلا ٹیکہ لگوانے والوں کی ہے اور وہ اب دوسروں کو کورونا کا ٹیکہ جلد لگوانے کی اپیل بھی کر رہے ہیں۔
یہ بھی پڑھیں:
میرٹھ: کورونا کی ممکنہ تیسری لہرسے نمٹنے کے لئے محکمہ صحت پر عزم
میرٹھ میں کورونا ٹیکہ کاری مہم میں آ رہی تیزی کو جہاں اسے کورونا بیداری مہم کا حصہ بتایا جا رہا ہے وہیں اسے کورونا کی تیسری لہر کا ڈر بھی کہا جا رہا ہے، جو عوام کو ویکسین کے لیے ویکسینیشن سینٹروں پر پہنچا رہا ہے۔
