اسٹیشنز پر پھیری والوں اور دکانداروں کاروزگار بھی بری طرح متاثر ہو رہا ہے۔
لوکل ٹرانسپورٹ کی اسٹیشن روٹ پر عام دنوں میں مسافروں سے بھری رہنی والی بسیں اِن دنوں خالی نظر آ رہی ہیں وجہ ہے کورونا وائرس کی دہشت جبکہ ٹرین سے سفر کرنے والوں کی تعداد میں بھی خاطر خواہ کمی واقع ہوئی ہے۔
ریلوے اسٹیشن پر پھیری اور دکان لگانے والوں تک اس وائرس کا اثر دکھائی دے رہا۔
ایک بس کنڈکٹر کے مطابق اسٹیشن روٹ کی بسوں میں ان دنوں مسافروں کی تعداد کافی کم ہوگئی ہے۔
اس کے علاوہ اسٹیشن پر مختلف سامان فروخت کرنے والوں کے مطابق آج کل ان کا روزگار بھی کورونا کی وجہ سے بری طرح متاثر ہو رہا ہے، مسافروں کی آمد و رفت میں کمی سے پھیری والوں اور دکانداروں کی آمدنی پر کافی فرق پڑ گیا ہے۔
بس اور ریلوے اسٹیشن پر مسافروں کی تعداد کافی کم ہے،خاص طور پر دہلی روٹ کی بسوں میں مسافروں کی تعداد میں غیر معمولی کمی آئی ہے اور یہی نظارہ ان دنوں ریلوے اسٹیشنوں کا بھی ہے۔
ایک مقامی مسافر کا کہنا ہے کہ 'پہلے ٹرین میں سیٹ کے لیے مارا ماری ہوتی تھی لیکن اب سیٹیں خالی نظر آتی ہیں۔
کورونا کے خطرے کو ذہن میں رکھتے ہوئے انتظامیہ کی جانب سے ایڈوائزری جاری کی گئی ہے اور احتیاطی اقدامات بھی کیے جا رہے ہیں نیز شہر کے بس اسٹیشنز پر آنے جانے والی بسوں میں روزانہ صاف صفائی کی جا رہی ہے۔
