جن بچوں کو محبت و شفقت سے پالا وہی بچے گھر سے نکال دیتے ہیں تو کیسا لگتا ہے؟ جو بچے جگر کے ٹکڑے تھے، وہی وقار کے ٹکڑے ٹکڑے کر دیتے ہیں تو کیسا لگتا ہے؟ بہرحال اس درد کو کوئی کیسے بتائے گا۔ سچ تو یہ ہے کہ اس درد بھرے الفاظ کو بیان نہیں کیا جا سکتا۔ ایسے تمام متاثرین کے لئے 15 جون کو ورلڈ ایلڈر ابیوز اویئرنیس ڈے منایا جاتا ہے۔ سنت کبیر نگر میں اس دن کو منانے کے لئے پیر کی شام ایک کیمپ کا انعقاد کیا گیا تھا۔ اس میں تمام تکلیف دہ بزرگوں کے ساتھ درد بانٹا گیا۔
ضلع کے منجھریا پرائمری اسکول کی اسسٹنٹ ٹیچر انیتا سنگھ نے گورکھل میں واقع وردھا آشرم میڈیکل کیمپ کا انعقاد کیا گیا۔جس میں ایسے تمام بزرگوں کے ساتھ خوشیاں بانٹی ہے۔ میڈیکل کیمپ کے دوران ڈاکٹر آشوتوش پانڈے نے وردھا آشرم میں رہنے والے بزرگوں کی جانچ کرتے ہوئے ادویات ، پھل اور کپڑے مفت میں تقسیم کی ہے۔
ای ٹی وی بھارت کی ٹیم سے بات کرتے ہوئے بزرگوں نے بتایا کہ انہوں نے اپنے بیٹوں کی بہت محبت اور فخر سے پرورش کی ہے۔ سوچا یہ ہمارے بڑھاپے کا سہارا ہوگا لیکن بڑے ہوکر ہمیں گھر سے الگ کر دیا۔
بزرگوں نے بتایا کہ پرائمری اسکول منجھریا کی اسسٹنٹ ٹیچر ، انیتا سنگھ ہر تہوار پر یہاں پہنچتی ہیں اور کپڑے، ضروری اشیاء مہیا کرتی ہیں۔ آج ایک میڈیکل کیمپ کا اہتمام کرکے اسسٹنٹ ٹیچر نے ڈاکٹر آشوتوش پانڈے کے توسط سے ایک مفت میڈیکل کیمپ کا بھی اہتمام کیا۔
وہیں اسسٹنٹ ٹیچر انیتا سنگھ نے کہا کہ بزرگ ہمارے لئے بہت خاص ہیں۔ ان کی ہمیشہ خدمت کی جانی چاہئے اور ان کا احترام کیا جانا چاہئے۔
دوسری طرف ڈاکٹر آشوتوش پانڈے نے بتایا کہ کووڈ کی وبا کے بعد وردھا آشرم میں پہنچنے کے بعد بزرگوں کی جانچ پڑتال کرکے بہت خوشی ہوئی ہے۔ بزرگوں کی دعائیں مل رہی ہیں۔ یہ کام تسلسل کے ساتھ جاری رہے گا۔
قابل ذکر ہے کہ سماجی خدمات میں مصروف اسسٹنٹ ٹیچر انیتا سنگھ، ضلع میں کئی کاموں کے لئے مشہور رہی ہیں۔ انہوں نے سب سے پہلے ریاست کے سرکاری اسکول کو ٹرین کا ماڈل دیا تھا۔
