لداخ میں چینی افواج کے ذریعہ بھارتی علاقے میں دراندازی کی کوشش اور 20 بھارتی فوجیوں کی شہادت پر تشویش کا اظہار کرتے ہوئے بہوجن سماج پارٹی(بی ایس پی) سپریمو مایاوتی نے بدھ کو کہا کہ 'حکومت کو پوری احتیاط کے ساتھ ملکی مفاد میں ہر ضروری اقدام کرنے چاہئے۔'
محترمہ مایاوتی نے بدھ کو اپنے ٹوئٹ میں لکھا'لداخ علاقے میں چین کے ساتھ جھڑپ میں کرنل سمیت 20 بھارتی فوجیوں کی شہادت کی خبر کافی تکلیف دہ اور دل کو رنجور کرنے والی ہے۔ خاص کر ایسے وقت میں جب دونوں ممالک کے درمیان سرحدی تنازع کو کم کرنے کی کوششیں جاری ہیں۔ حکومت کو اب مزید احتیاط و سوجھ بوجھ کر مظاہرہ کرتےہوئے ملکی مفاد میں قدم اٹھانے کی ضرورت ہے'۔
انہوں نے کہا'ملک کو یقین ہے کہ بھارتی حکومت ملک کی آن بان شان کے حساب سے ہی وقت پر صحیح فیصلہ کرے گی اور ملک کی ایک انچ زمین بھی کسی کو کبھی ہڑپنے نہیں دے گی۔ اچھی بات ہے کہ حکومت کی ناکامیوں کو نظر انداز کر کے پورا ملک متحد ہے۔ اب حکومت کو عوام کی امیدوں پر پورا اترنا ہے۔'
