ای ٹی وی بھارت سے خصوصی بات چیت کے دوران مولانا محمد احمد قادری نے کہا کہ 'مسلمانوں کو چاہیے کہ وہ زیادہ سے زیادہ اللہ رب العزت کی عبادت میں اپنا وقت گزاریں اور اس آخری عشرہ میں اپنی نجات کی دعا کریں'۔
انہوں نے مزید کہا کہ جمعۃ الوداع ماہ رمضان المبارک میں بہت ہی خاص دن ہے، لیکن عوام الناس اسے لباس فاخرہ کے طور پر منا کر گزار دیتے ہیں۔
مولانا قادری نے بتایا کہ شب قدر کو آخری عشرے کی طاق راتوں میں ڈھونڈنے کی تاکید کی گئی ہے ۔
مولانا قادری کا کہنا ہے کہ ' اس رات نفلی عبادت کے بجائے فرائض نمازوں کی پابندی کی جائے، کیونکہ بہت سارے لوگوں کی فرض نمازیں قضا رہتی ہیں۔ لیکن لاعلمی کی بنیاد پر عوام اس سے محروم رہتی ہے'۔
اس کے علاوہ انہوں نے کہا کہ سبھی مسلمانوں کو چاہئے کہ وہ اس بات پر بھی توجہ دیں کہ سب سے بڑا حق ہمارے والدین کا ہے۔
جبکہ لوگ روزہ، نماز، حج اور زکوٰۃ کی پابندی کرتے ہیں، لیکن حقوق العباد سے عام طور پر محروم رہتے ہیں، جب کہ یہ گناہ کبیرہ ہے۔
