مجلس علمائے ہند کے جنرل سیکریٹری مولانا کلب جواد نے پاکستان کے بلوچستان میں شیعہ برادری سے تعلق رکھنے والے بے قصور اور غیر مسلح لوگوں کے قتل عام کی شدید مذمت کی ہے۔
انہوں نے اقوام متحدہ سے پاکستان میں شیعہ اقلیت پر ہونے والے ظلم و تشدد کو روکنے کی مانگ کی۔ انہوں نے کہا کہ اقوام متحدہ پاکستان میں شیعہ برادری پر ہونے والے تشدد کے خلاف سخت کارروائی کرے اور اس تعلق سے پاکستان کی حکومت کو جواب دہ ٹھہرایا جائے۔
مولانا کلب جواد نے اس حوالے سے حکومتِ پاکستان کے رویے کی مذمت کرتے ہوئے کہا کہ پاکستان میں شیعہ محفوظ نہیں ہیں۔ پاکستان میں آئے دن قتل اور اغوا کی وارداتیں بڑھ رہی ہیں۔
مزید پڑھیں:
لو جہاد قانون پر کانپور کے شہرقاضی کا بیان
مولانا نے حکومت پاکستان سے اس قتل عام میں شامل سبھی شدت پسندوں کو گرفتار کرنے اور انہیں سخت سے سخت سزا دینے کا مطالبہ کیا۔ انہوں نے کہا کہ اقوام متحدہ اور دیگر بین الاقوامی اداروں کو چاہئے کہ شدت پسند گروپوں اور تنظیموں پر پابندی لگانے کے لیے حکومت پاکستان پر دباؤ بنائیں۔
