مولانا حبیب الرحمن کابلی کو یہ ایوارڈ اورنگ زیب کی زندگی پر روشنی ڈالنے اور اورنگزیب پراردو، عربی، فارسی میں کتاب لکھنے کے لیے دیا گیا ھے۔
ضلع مرادآباد کے بھوج پور کی عوام کو جیسے ہی اس بات کی اطلاع ملی لوگوں میں خوشی کی لہر دوڑ گئی۔
مولانا حبیب الرحمن کابلی ضلع مرادآباد کے واحد ایسے انسان ہیں جن کو ضلع میں صدر جمہوریہ ایوارڈ دیا گیا ہے۔
مولانا حبیب الرحمن کابلی کی ولادت 1 جنوری سنہ 1940 کو مرادآباد کے بھوج پور میں ہوئی مولانا نے اپنی زندگی میں ہمیشہ اردو، عربی اور فارسی کی تعلیم کو فروغ دینے کا کام کیا، تعلیم کو فروغ دینے کے مقصد سے مولانا حبیب الرحمان نے بھوج پور میں ہی مرزا غالب پبلک اسکول کو قائم کیا، آج اس اسکول میں بچے اردو، عربی و فارسی کی تعلیم حاصل کر رہے ہیں۔
مولانا حبیب الرحمان کے بیٹے فصیح الرحمن بیگ بھی اپنے والد کے نقشے قدم پر چل رہے ہیں فصیح الرحمن بیگ ایک صحافی ہونے کے ساتھ ہیں بچوں کو اردو تعلیم دیتے ہیں۔
مولانا حبیب الرحمان نے کشمیر اور ہمسایہ ملک پاکستان میں بھی تعلیم کے لیے اپنی گرانقدر خدمات دی ہیں، ضلع میں آج حبیب الرحمن کو اردو عربی فارسی تعلیم کو فروغ دینے کے لئے جانا جاتا ہے۔
