متھرا کے برسانا تھانہ علاقے کے نند گاؤں کے ایک کالج احاطے میں اس وقت افراتفری کا ماحول پیدا ہوگیا جب ایک فوجی ہیلی کاپٹر کی اچانک لینڈنگ ہوئی۔ جس میں دو پائلیٹ سمیت چار افراد سوار تھے۔ واقعے کی اطلاع ملتے ہی پولیس بھی موقع پر پہنچی اور حالات کا جائزہ لیا۔
متھرا: فوجی ہیلی کاپٹر کی ایمرجنسی لینڈنگ
اطلاع کے مطابق متھرا سے فوج کا ایک ہیلی کاپٹر Z1409 دہلی کے لیے جارہا تھا، لیکن کچھ تکنیکی خرابی کے باعث نند گاؤں کے سنکیت انٹر کالج کے احاطے میں ایمرجنسی لینڈنگ کرنی پڑی۔ 30 منٹ بعد ہیلی کاپٹر دہلی کے لیے روانہ ہوگیا۔
اس دوران گاؤں کے لوگ ہیلی کاپٹر دیکھنے کے لیے اکٹھا ہونے لگے، دیکھتے دیکھتے ایک بڑا ہجوم امڈ پڑا۔
