ریاست ہریانہ سے بہرائچ ضلع آنے والے شہریوں کو دی جانے والی سہولت کھانے پینے اور صحت کی جانچ وغیرہ انتظامات کا جائزہ لینے کے مقصد سے ضلع مجسٹریٹ شمبھو کمار اور پولیس کپتان ڈاکٹر وپین کمار مشرا نے دیگر افسران کے ساتھ جواہر نوودے ودیاالیہ کیرتن پور اور سنجیوانی گروپ آف ایجوکیشنل انسٹی ٹیوشن کیرتن پور کا معائنہ کیا۔
جواہر نوودے ودیالیہ کیرتن پور کے معائنہ کے دوران ضلع مجسٹریٹ اور پولیس کپتان کو بتایا گیا کہ ہریانہ سے 144 افراد یہاں پہنچ چکے ہیں، جن میں سے 32 افراد کا تعلق ضلع سراوستی سے ہے، ان میں سے 29 افراد کو سراوستی بھیج دیا گیا ہے۔
اسی طرح سنجیوانی گروپ آف ایجوکیشنل انسٹی ٹیوشن کیرتن پور کے معائنہ کے دوران بتایا گیا کہ یہاں 219 افراد پہنچ چکے ہیں، جن میں سے 35 ضلع سراوستی، 02 گونڈا اور 01 لکھیم پور کے رہنے والے ہیں۔ غیر اضلاع کے باشندگان کو ان کے وطن بھیجنے کے لئے کارروائی کی جا رہی ہے۔ معائنہ کے دوران ضلع مجسٹریٹ نے تحصیل انتظامیہ مہسی کے عہدیداروں کو ہدایت کی کہ وہ تمام سرگرمیاں کی فوری طور پر فوٹو گرافی اور ویڈیو گرافی کے ساتھ ہی تحریری ریکارڈ بھی رکھیں، باہر سے آنے والے افراد چاہے وہ بہرائچ ضلع سے ہوں یا غیر اضلاع کے انھیں کسی بھی قسم کی تکلیف نہیں ہونی چاہئے۔
اس موقع پر ایڈیشنل مجسٹریٹ جئے چندر پانڈے، نائب ضلع مجسٹریٹ مہسی ایس این ترپاٹھی، علاقائی پولیس آفیسر ٹی این پانڈے، ضلع ریوینو آفیسر پرگلبھ لاونیا، ضلع گنا آفیسر شیلیش موریہ، تحصیلدار قیصر گنج، بی ڈی او تیجواپور چندر بھوشن یادو اور دیگر عہدیدار موجود تھے۔
