ریاست اترپردیش کے ضلع بہرائچ میں ایک باپ نے اپنی 17 سالہ شادی شدہ بیٹی کا قتل کردیا۔ پولیس نے بتایا کہ لڑکی کی شادی کے بعد کسی اور سے تعلقات تھے، جس کی وجہ سے باپ نے یہ افسوسناک قدم اٹھایا۔
پولیس سپرنٹنڈنٹ وپین شرما نے بتایا کہ ملزم سبھاش نے اپنی بیٹی کا گلا کاٹ کر قتل کردیا، کیونکہ لڑکی اپنے عاشق کے خلاف دائر ایک معاملے میں بیان ریکارڈ کرنے کو تیار نہیں تھی۔ انہوں نے بتایا کہ ملزم والد کو پیر کے روز گرفتار کیا گیا ہے۔
ایس پی نے بتایا کہ اس لڑکی کی کچھ دن پہلے ہی شادی ہوئی تھی لیکن وہ اپنے والد کے ساتھ رہ رہی تھی ، انہوں نے مزید بتایا کہ اس کا چھوٹکؤ نامی ایک شخص کے ساتھ تعلقات تھے، جس کا چچا ابراہیم سربراہ ہے۔
ایس پی نے بتایا کہ اس معاملے میں انہوں نے کم عمری شادی کے خلاف تحقیقات کرنے کا حکم دے دیا ہے۔
سبھاش کے ذریعہ درج کی گئی شکایت کی بنیاد پر چھوٹکو کو 23 جون کو ایف آئی آر اور پاسکو ایکٹ اور تعزیرات ہند کے دیگر دفعات کے تحت اسے چیل بھیج دیا گیا تھا۔
ایس پی نے بتایا کہ سبھاش نے اپنی بیٹی کے قتل کے الزام میں ابراہیم اور دیگر کے خلاف بھی ایف آئی آر درج کرایا تھا۔ انہوں نے کہا کہ سبھاش اپنی بیٹی سے ناراض تھا کیونکہ لڑکی کی محبت کی وجہ سے اس کا خاندان بدنام ہورہا تھا۔
