بریلی کے سبھاش نگر تھانہ علاقہ کی رہائشی طالبہ کے قابل اعتراض تصاویر کلک کرکے وائرل کرنے کی دھمکی اور بلیک میل کرنے کا معاملہ سامنے آیا ہے۔ متاثرہ لڑکی کی والدہ کی شکایت پر پولیس نے ملزم کے خلاف متعلقہ دفعات کے تحت مقدمہ درج کرکے اسے تحویل میں لے لیا۔
سبھاش نگر پولیس اسٹیشن کے علاقے میں ایک ہائی اسکول کی طالبہ اپنی ماں اور دو چھوٹی بہنوں کے ساتھ کرائے کے مکان میں رہتی ہے۔ بچی کے والد کا کچھ سال قبل انتقال ہوگیا تھا۔ اس کی والدہ باہر کام کرتی ہیں اور گھریلو اخراجات چلاتی ہیں۔ متاثرہ طالبہ کا الزام ہے کہ جب ماں کام سے گھر سے باہر گئی تھی۔ پھر مکان مالک کے بہنوئی ٹھاکر داس موریہ (40) نے نہاتے ہوئے قابل اعتراض تصویر کھینچی اور اسے وائرل کرنے کی دھمکی دے کر ملزم نے طالبہ کے ساتھ جسمانی تعلقات رکھنے کا دباؤ بنایا تھا۔
متاثرہ طالبہ کی والدہ کا الزام ہے کہ ملزم ٹھاکر داس موریہ نے کئی بار ان کی نابالغ بیٹی کو ڈرا دھمکاکر قابل اعتراض تصاویر کھینچ لی۔ ان تصاویر کو سوشل میڈیا پر وائرل کرنے کی دھمکی دے کر ملزم طالبہ پر جسمانی رشتے قائم کرنے کا دباؤ ڈالا گیا۔ جب طالبہ نے ایسا کرنے سے انکار کردیا تو ملزم نے اسے جان سے مارنے کی بھی دھمکی دی۔ خوفزدہ طالبہ کی والدہ نے سبھاش نگر تھانے میں کارروائی کا مطالبہ کرتے ہوئے تحریری شکایت درج کروائی ہے۔
انسپکٹر منوج کمار تیاگی نے بتایا کہ ملزم ٹھاکر داس موریہ کے خلاف سنگین دفعات کے تحت مقدمہ درج کیا گیا ہے۔ اسے تحویل میں لےکر پوچھ تاچھ کی جارہی ہے۔ تاہم ملزم 500 روپے کے لین دین کو لیکر اسے پھنسائے جانے کا الزام لگارہا ہے۔
یہ بھی پڑھیں: بریلی: ایس ایس پی نے رشوت کے الزام میں انسپکٹر کو لائن حاضر کیا
وہیں ایس پی سٹی رورل رویندر کمار کے مطابق تمام پہلوؤں کا جائزہ لینے کے بعد مزید کارروائی کو یقینی بنایا جائے گا۔
