امروہہ: پولیس کپتان سے انصاف کی فریاد

ریاست اترپردیش کے ضلع امروہہ میں ایک شخص نے پولیس کپتان سے انصاف کی فریاد کی ہے۔ اس کا الزام ہے کہ اس کے پڑوسی اسے اپنے ہی گھر میں نہیں رہنے دے رہے ہیں۔

امروہہ کے محلہ پیر گڑھ کے ایک خاندان نے پولیس اسٹیشن پہنچ کر پڑوسی پر خود کے مکان میں نہیں رہنے دینے کا الزام عائد کرتے ہوئے انصاف دلانے کی درخواست کی ہے۔

مظلوم خاندان نے بتایا کہ 'میرے خاندان کا ایک نوجوان پڑوس کی ایک نوعمر خاتون کو لے کر فرار ہو گیا اور دہلی جاکر کورٹ میرج کر لی۔ اب انتقام کے طور پر پڑوسی ہمارے ہی گھر میں ہمیں داخل نہیں ہونے دے رہے ہیں۔' ان کا کہنا ہے کہ وہ اب کرائے پر رہنے کو مجبور ہیں۔

مظلوم کے مطابق وہ جب بھی اپنے مکان پر جاتے ہیں تو وہ مارپیٹ پر آمادہ ہو جاتے ہیں۔ وہ انہیں جان سے مارنے کی دھمکی بھی دیتے ہیں۔ کپتان سے انصاف کی اپیل کرتے ہوئے جان مال کی حفاظت کرنے کی بھی درخواست کی ہے۔