ڈسٹرکٹ ایکسائز آفیسر راکیش بہادر سنگھ کی سربراہی میں غیر قانونی شراب کی فروخت کی روک تھام کے لئے خصوصی عمل آوری مہم کے تحت مشتبہ مقامات گاؤں پیراٹلہ خانجار پور، بسرکھ ، گڑھی چوکھنڈی ، آمن آباد اور چھوٹ پور کالونی چھجارسی میں چھاپہ مارا گیا۔
اس چھاپے کے دوران اترپردیش میں بین کی گئی ریاست ہریانہ کی 1461 پووا اصلی نارنگی دیسی شراب برآمد ہوئی۔ موقع سے ایک کار اور بغیر نمبر پلیٹ والی اسکوٹی بھی برآمد کی گئی ہے۔ پولیس نے موقع سے گاؤں واجد پور کے رہائشی ویملیش اور ضلع جون پور کے رہائشی ستیش کمار ولد سریندر یادو، کو گرفتار کر لیا ہے، ساتھ میں موقع سے فرار غیر قانونی شراب فروخت کرنے والے ملزم راہل کے خلاف ایکسائز کے دفعہ 63/72 اور آئی پی سی کی متعلقہ دفعات کے تحت مقدمہ درج کیا گیا۔
