مظفر نگر: آلودگی پھیلانے پر مِلز پر لاکھوں روپے کا جرمانہ

مظفر نگر میں محکمہ انسداد آلودگی نے تقریباً دو درجن مِلز اور فیکٹریوں پر کارروائی کرتے ہوئے 97 لاکھ 50 ہزار روپے جرمانہ عائد کیا۔

ریاست اُتر پردیش کے ضلع مظفر نگر کے محکمہ انسداد آلودگی کے عہدیداروں نے ضلع کی 24 پیپر ملز سے نکلنے والا آلودہ پانی اور فیکٹریوں سے نکلنے والے دھوئیں سے ہونے والی آلودگی کے بعد محکمہ انسداد آلودگی (لکھنؤ) کے ذریعہ کارروائی کی گئی۔

محمکہ آلودگی نے بتایا کہ آلودگی کی وجہ سے ملز کے آس پاس کے دیہاتوں میں خطرناک بیماریاں پھیل رہی ہیں۔

عوام کی شکایات کے باوجود بھی کوئی کارروائی نہ ہونے پر ضلع مجسٹریٹ سے شکایت کی گئی۔ ضلع مجسٹریٹ کے ذریعے شکایت کی تصدیق کرنے پر جب یہ معاملہ درست پایا گیا تو محکمہ انسداد آلودگی کے عہدیداروں میں ہلچل مچ گئی اس کے بعد محکمہ کی لکھنؤ ٹیم نے تمام ملز پر 97 لاکھ روپے کا جرمانہ عائد کیا۔

اس کارروائی سے تمام ملز مالکان میں ہلچل پیدا ہوگئی ہے۔