لکھنو: لکھنو کے کپورتھلہ علاقے میں واقع مدرسہ حنفیہ ضیاء القران بڑا چاند گنج میں طلبہ جشن آزادی کی تیاریوں میں مصروف ہیں۔ ای ٹی وی بھارت نے ان سے بات چیت کی ہے اور جاننے کی کوشش کی ہے کہ مدارس کے طلباء کس قدر جشن ازادی کے لیے پرجوش ہیں۔ ای ٹی وی بھارت سے بات چیت کرتے ہوئے طالب علم احمد ضیاء نے بتایا کہ جشن آزادی کے موقع سے ہم نے تقریر کی تیاری کی ہے اور جشن آزادی کے موقع پر ہم تقریر میں بتائیں گے کہ ملک کیسے آزاد ہوا اور مجاہدین آزادی نے کس قدر جدوجہد کی ہے۔
وہیں محمد عامر نے بتایا کہ جشن آزادی کے موقع سے یہاں کے طلبہ نہ صرف کی خوشیاں مناتے ہیں بلکہ مجاہدین آزادی کی قربانیوں کو بھی یاد کرتے ہیں وہ کہتے ہیں کہ ترنگا پرچم ہمارے لیے شان و شوکت و باعث فخر ہے اور اس میں تین رنگ ہیں پہلا زعفرانی رنگ ہے جو قربانی اور ایثار کا مظہر ہے جب کہ سفید اور سبز رنگ خوشحالی امن اور شانتی کی علامت ہے۔ انہوں نے بتایا کہ جھنڈے کے مرکز میں ایک دائرہ ہے اور دائرے میں 24 تیلیاں ہوتی ہیں اور ہر تیلی کی اپنی الگ خصوصیت ہے۔
وہیں مولانا عظیم ازہری نے ای ٹی وی بھارت سے بات چیت کرتے ہوئے بتایا کہ رواں برس جشن آزادی کے تعلق سے تمام طلبہ پرجوش ہیں اور تمام تر تیاریاں مکمل کر لی گئی ہیں۔ انہوں نے بتایا کہ طلبہ کو مجاہدین آزادی کی حیات و خدمات اور ملک کے لیے جدوجہد کرنے والے مجاہدین آزادی کے تعلق سے بتایا جاتا ہے مدرسے میں بطور استاد خدمت انجام دے رہے۔ مولانا عرفان نے بتایا کہ مدرسہ کے طلبہ احساس کمتری کا شکار نہ ہو اس لیے مدرسہ سے فارغ مجاہدین آزادی کے حوالے سے بھی بچوں کو درس دیا جاتا ہے۔
مزید پڑھیں: تحریک آزادی میں مولانا ابوالمحاسن سجاد کی خدمات
انہوں نے کہا کہ ملک کو آزاد کرانے میں ایسے علماء کرام کا اہم کردار رہا ہے جو مدرسے سے تعلیم حاصل کیے تھے جنہوں نے جنگ آزادی کے لیے اپنی قربانی پیش کر دی۔ انہوں نے بتایا کہ مولانا فضل حق خیرآبادی نے جہاد کا فتوی دیا تھا اور کہا تھا کہ ملک کے مسلمانوں پر لازم ہے کہ وطن کو آزاد کرانے کے لیے انگریزوں سے جہاد کریں جس کے نتیجے میں دلی میں ہزاروں کی تعداد میں مسلمان جمع ہوئے تھے اور انگریزوں سے بغاوت کا اعلان کیا تھا لیکن منصوبہ بندی اور منظم حکمت عملی نہ ہونے کی وجہ سے کامیابی نہیں مل سکی تھی لیکن اسی دوران انگریزوں کے خلاف اعلان جنگ ہو چکا تھا۔
انہوں نے مزید کہا کہ مولانا کفایت علی کافی مولانا احمد اللہ شاہ کے علاوہ ہزاروں کی تعداد میں علماء نے جنگ آزادی میں اپنی قربانی پیش کی ہے اور ملک کو انگریزوں کے چنگل سے آزاد کرایا۔ مولانا عرفان نے بتایا کہ یہ واقعات نہ صرف ہم عوام کو بتاتے ہیں بلکہ طلبہ کو بھی بتاتے ہیں تاکہ طلبہ حب الوطنی کے جذبہ سے شرشار ہوں۔
