پیٹرول اور ڈیزل کی قیمتوں میں ایک ایک روپیہ اضافے سے لوگوں کی امیدیں ٹوٹ گئی ہیں، عوام نے پیٹرول کی بڑھتی قیمتوں پر تشویش کا اظہار کیا۔
انہوں نے کہا کہ عام بجٹ سے بہت ساری امیدیں وابستہ تھیں جس میں یہ تھا کہ پیٹرول ڈیزل جو روز مرہ کے استعمال میں آتی ہیں اس کی قیمت میں کمی ہوگی لیکن اس کے برعکس اس کے ٹیکس میں اضافہ کیا گیا۔
لوگوں کو امید تھی کہ مودی حکومت کے دوبارہ اقتدار میں آنے سے مہنگائی کم ہوگی، لیکن پیٹرول ڈیزل کی قیمتوں میں اضافے سے مہنگائی میں اضافے کی پوری امید ہے۔
دوسری دفعہ اقتدار میں آئی مودی حکومت کے پہلے بجٹ میں پیٹرول اور ڈیزل پر 1 روپئے سیس اور 1 روپئے ایکسائز ڈیوٹی بڑھانے کا فیصلہ کیا ہے۔ جس سے پیٹرول اور ڈیزل کی قیمتوں میں 2 روپئے کا اضافہ ہوگا۔
حکومت کا منتق ہے کہ اس اضافے سے یکجہ ہوئی رقم غربہ کے بہبود میں خرچ کی جائے گی۔ لیکن اس فیصلہ سے عام لوگ کافی پریشان ہیں۔ زیادہ تر لوگوں کو امید نہیں تھی کہ یہ اضافہ کیا جائےگا۔ لوگوں کو امید تھی کہ مہنگائی کم کی جائے گی۔ لیکن اس فیصلہ سے سیدھے مہنگائی بڑھ جائے گی۔ بارہ بنکی میں ہر طبقے کے لوگوں نے اس فیصلہ کی مخالفت کی ہے۔ اور اس فیصلہ پر غور کرنے کا مشورہ دیا ہے۔
