ہردوئی کے ہرپال پور علاقے میں مکان پر قبضہ کرنے کے لیے 8 اگست کو چائے-ناشتہ کی ٹھیلی لگانے والے ایک شخص کو لوگوں کی بھیڑ نے لاٹھی ڈنڈوں سے پیٹ پیٹ کر ہلاک کر ڈالا تھا۔
اس معاملے میں پولیس نے 14 لوگوں کے خلاف معاملہ درج کیا تھا لیکن پولیس کی تساہلی کی وجہ سے محض پانچ لوگوں کی اب تک گرفتاری ہوسکی ہے۔
پولیس اب تک ثبوت جمع کرنے کی بات کر رہی تھی لیکن ایک ویڈیو ملنے کے بعد ہلاک ہوئے شخص کے بیٹے نے وہ ویڈیو ایس پی ہردوئی کو بھیجا ہے اور دیگر لوگوں کی گرفتاری کی مانگ کی ہے۔
ہرپال پور قصبے کے مین بازار میں وکاس مشرا (45) ولد مہندرا چائے اور پکوڑے کی دکان لگاتے تھے۔ دوکان کے پیچھے ان کا مکان تھا۔ آٹھ اگست کی صبح چھ بجے کوتوالی علاقے کے رہنے والے ویرش ستین درشن اور سنجے ولد پاتی رام سنگیتا، رام بابو شیام بابو، وید پرکاش ان سب پر الزام ہے کہ یہ لوگ وکاس کی دکان پر پہنچے اور پھر وہاں رکھے سامان اٹھا کر باہر پھینکنے لگے ۔
وقاص نے جب ان کو روکنے کی کوشش کی تو اس کی لاٹھی ڈنڈوں سے حملہ کر دیا گیا اور اس کی اس قدر پٹائی کی گئی کہ وہ موقع پر ہی ہلاک ہو گیا، اس واردات کے بعد تمام دکانداروں نے ایک ساتھ پولیس سے جلد سے جلد قصورواروں کے خلاف کاروائی کی مانگ کی لیکن اب تک پولیس اس پورے مسئلے پر خاموش ہے۔
