کانگریس نے منگل کی شام کو لوک سبھا الیکشن کے لیے آچاریہ کرشنم کے ساتھ مزید دو امیدواروں کے ناموں کا اعلان کیا۔
پارٹی نے مدھیہ پردیش کی اندور سیٹ سے پنکج سنگھوی اور اترپردیش کی قیصر گنج سیٹ سے ونئے کمار پانڈے کو ٹکٹ دیا ہے۔
اس کے علاوہ آج بالی وڈ اداکار شتروگھن سنہا کی اہلیہ پونم سنہا نے سماج وادی پارٹی کے صدر اور اترپردیش کے سابق وزیراعلیٰ اکھلیش یادو کی اہلیہ ڈمپل یادو سے ملاقات کی اور باقاعدہ سماج وادی پارٹی میں شمولیت اختیار کی اور ان کے یہاں سے انتخابی میدان میں اترنے کی خبر ہے۔
پرگتی شیل پارٹی نے فرحت حسن شاہ کو امیدوار بنایا ہے۔
فرحت حسن شاہ درگاہ دادامیاں کے سجادہ نشین کے چچا ہیں۔
واضح رہے کہ اس سے پہلے شیو پال سنگھ یادو نے لکھنؤ سے ڈاکٹر آر کے ٹھکرال کو امیدوار بنایا تھا۔
ای ٹی وی بھارت سے فون پر بات چیت کے دوران فرحت حسن شاہ نے بتایا کہ ' اب یہاں مقابلہ دلچسپ ہوگا اور ہم پوری طاقت کے ساتھ میدان میں اتریں گے۔'
لکھنؤ پارلیمانی حلقے سے وزیر داخلہ راج ناتھ سنگھ نے آج ہی پرچہ نامزدگی داخل کیا ہے۔
مگر اب یہاں پر راجناتھ سنگھ کی راہ گذشتہ پارلیمانی انتخاب کی طرح آسان نہیں ہوگی۔
