Nawab Masood Abdullah on Gadar2: غدر 2 میں کوئی بھی فرقہ وارانہ اینگل نہیں ہے، نواب مسعود اللہ

لکھنؤ کے نوابی خاندان سے تعلق رکھنے والے نواب مسعود عبداللہ نے سنی دیول کی آئندہ فلم غدر 2 میں اداکاری کرنے پر بات کی ہے۔ انہوں نے کہا کہ 'فلم میں فرقہ وارانہ جیسی کسی چیز کو شامل نہیں کیا گیا ہے۔ یہ فلم نفرت پر محبت کی جیت کا پیغام دیتی ہے'۔

لکھنؤ: گزشتہ کچھ برسوں میں بالی ووڈ کی فلم ریلیز ہونے سے قبل ہی تنازع کا شکار ہونے لگتی ہے۔ تاہم یہ پہلی بار نہیں ہے جب بالی ووڈ فلموں کو بائیکاٹ کرنے یا تنازع کا سامنا کرنا پڑ رہا ہے۔ غدر اور بمبئے جیسی فلموں کو بھی بائیکاٹ و احتجاج کا سامنا کرنا پڑا ہے جن کا شمار اب ہندی سنیما کی کلاسک فلموں میں کیا جاتا ہے۔ لیکن سال 2022 ایک ایسا سال رہا ہے جہاں ہر ریلیز ہونے والی فلموں کے خلاف احتجاج کیا گیا۔ رواں ماں 11 اگست کو سنی دیول اور امیشا پٹیل فلم ریلیز ہونے والی ہے۔ سوشل میڈیا پر کچھ صارفین کا کہنا ہے کہ یہ فلم مسلم مخالف ہے، جس پر فلم میں اداکاری کرنے والے لکھنؤ کے نوابی خاندان سے تعلق رکھنے والے مسعود عبداللہ نے ای ٹی وی بھارت سے خصوصی بات چیت کی ہے۔Nawab Masood Abdullah on Gadar2

غدر 2 میں کوئی بھی فرقہ وارانہ اینگل نہیں ہے، نواب مسعود اللہ

ای ٹی وی بھارت نے فلم غدر 2 میں اداکاری کرنے والے لکھنؤ کی نوابی خاندان سے تعلق رکھنے والے نواب مسعود عبداللہ سے خاص بات چیت کی ہے اور جاننے کی کوشش کی ہے کہ لکھنو کے کن کن مقامات پر فلم کی شوٹنگ ہوئی ہے اور یہ فلم نوجوانوں کے لیے کتنی دلچسپ ہونے والی ہے۔ اس کے علاوہ ان سے یہ بھی جاننے کی کوشش کی گئی ہے کہ کیا فلم میں مسلمانوں کے خلاف کوئی ایسا مواد استعمال کیا گیا ہے یا نہیں۔

غدر 2 میں کوئی بھی فرقہ وارانہ اینگل نہیں ہے، نواب مسعود اللہ

ای ٹی وی بھارت سے بات چیت کرتے ہوئے نواب مسعود عبداللہ نے بتایا کہ یہ فلم انتہائی دلچسپ ہونے والی ہے جیسے غدر ون ہٹ ہوئی تھی اسی طریقے سے غدر 2 ہٹ ہونے کی امید ہے۔ انہوں نے بتایا کہ فلم میں لکھنو کو پاکستان کے لاہور شہر کے طور پر دکھایا گیا ہے۔ یہاں کے لا مارٹینین بوائز کالج کو پاکستانی آرمی کا بیس بنایا گیا ہے وہاں پر شوٹنگ کی گئی۔ گھنٹہ گھر، رومی دروازہ، چھوٹا امام باڑہ، بڑا امام باڑہ ،ملیح آباد میں کئی مقامات پر شوٹنگ ہوئی۔ اس کے علاوہ بھی لکھنو کے کئی مقامات پر فلم کو شوٹ کیا گیا ہے۔ انہوں نے بتایا کہ لکھنو کے علاوہ پنجاب میں بھی اس فلم کی شوٹنگ ہوئی ہے۔نواب مسعود عبداللہ نے فلم میں مسلمانوں کے خلاف نفرت پھیلانے والی بات سے انکار کیا ہے۔ انہوں نے کہا کہ فلم میں فرقہ وارانہ جیسی کوئی چیز نہیں ہے اور نہ ہی مسلمانوں کے خلاف فلم میں کوئی مواد استعمال کیا یگ اہے۔ غدر ون میں بھی ایسی کوئی چیز نہیں تھی۔ اس فلم کی کہانی وہیں سے شروع ہوتی ہے جہاں پر غدر ون کی کہانی ختم ہوتی ہے۔ لیکن اس میں میری سمجھ سے کوئی بی فرقہ وارانہ اینگل نہیں دیا گیا ہے۔انہوں نے بتایا کہ ابھی فلم ریلیز نہیں ہوئی ہے اس وجہ سے اس کی مکمل کہانی نہیں بتا سکتے ہیں تاہم فلم کی کہانی انتہائی دلچسپ ہے اور امید ہے کہ سینما گھروں میں بڑی تعداد میں لوگ اس فلم کو دیکھیں گے اور لطف اندوز ہوں گے۔واضح رہے کہ گزشتہ کچھ روز قبل اداکارہ شبانہ اعظمی کی ایک پرانی انٹرویو سوشل میڈیا پر گردش کر رہی تھی جس میں انہوں نے سال 2001 میں آئی فلم غدر میں مسلمانوں کی غلط تصویر کشی پیش کرنے پر اعتراض ظاہر کیا تھا۔ جس کے جواب میں سنی دیول نے کہا تھا کہ اداکارہ کو اس طرح کے بیانات نہیں دینے چاہیے۔

ائمز آف انڈیا کے ساتھ 2001 کے انٹرویو میں شبانہ اعظمی نے غدر کو مسلم مخالف فلم قرار دیا تھا۔ ان کے مطابق فلم میں دکھائے جانے والے کردار میں ہندوؤں کو متاثر افراد اور مسلمانوں کو ولن کے طور پر دکھایا کیا گیا تھا، جس پر انہوں نے تشویش ظاہر کی تھی۔ اس کے علاوہ انہوں نے فلم کے ریلیز ہونے کے وقت پر بھی سوال اٹھایا تھا کیونکہ یہ فلم اس عرصے کے دوران آئی تھی جب بھارت اور پاکستان کے درمیان کشیدگی کو کم کرنے کی کوششیں کی جارہی تھی۔ اداکارہ کا کہنا تھا کہ فلم میں ہر مسلمان کردار کو پاکستانی نژاد کے طور پر دکھایا گیا تھا۔

شبانہ اعظمی کے ریمارکس کے جواب میں سنی دیول، جنہوں نے غدر میں تارا سنگھ کا کردار ادا کیا، نے فلم اور اس کی کامیابی کا دفاع کیا تھا۔ انہوں نے کہا تھا کہ فلم کا مقصد جذبات کو ٹھیس پہنچانا یا منفی خیالات کو فروغ دینا نہیں تھا۔ انہوں نے فلم کے ملک مخالف ہونے کے دعووں کی تردید کی گئی۔ انہوں نے مزید کہا کہ شائقین کی بے پناہ محبت نے فلم کی کامیابی اور قبولیت کو ثابت کیا۔