لکھنؤ: لکھنؤ شہر جو پہلی بار انڈین پریمیئر لیگ (آئی پی ایل) کی میزبانی کر رہا ہے۔ اس موقعے کو یادگار بنانے میں کوئی کسر نہیں چھوڑ رہی ہے۔ لکھنؤ سپر جائنٹس نے کرکٹ سے محبت کرنے والوں کی سہولت اور ایکانا اسٹیڈیم میں ان کے سفر کو بہتر بنانے کے لیے لکھنؤ میٹرو کے ساتھ ہاتھ ملایا ہے۔ میٹرو انتظامیہ تماشائیوں کے میچ دیکھنے کے لیے آدھی رات تک خصوصی میٹرو ٹرینیں چلائے گی۔ ایل ایس جی تھیم والی میٹرو ٹرین خدمات ایکانا میں تمام میچوں کے دوران 12:30 بجے تک دستیاب رہیں گی۔ یہی نہیں، لکھنؤ میٹرو کی طرف سے سیلفی مقابلہ بھی شروع کیا جائے گا اور خوش قسمت جیتنے والوں کو خصوصی طور پر کھلاڑیوں کے دستخط شدہ ایل ایس جی ٹی شرٹس جیتنے کا موقع ملے گا۔
سی سی ایس ایئرپورٹ میٹرو اسٹیشن پر ایل ایس جی کے کھلاڑیوں کے ساتھ ایک خصوصی ملاقات اور مبارکباد کا سیشن بھی منعقد کیا جائے گا اور کچھ لوگوں کو کھلاڑیوں سے ملنے کا موقع ملے گا۔ اس کے ساتھ ساتھ میٹرو اسٹیشنوں اور ٹرینوں کے اندر وقفے وقفے سے ایل ایس جی میچ کے شیڈول اور تھیم سانگ کے بارے میں اطلاعات بھی دی جائے گی۔ ٹرانسپورٹ نگر میٹرو اسٹیشن اور ایکنا کرکٹ اسٹیڈیم کے درمیان ٹرانسپورٹ نگر میٹرو اسٹیشن تک اور اس سے لو فلور بس خدمات بھی دستیاب ہوں گی۔ واضح رہے کہ ایکنا لکھنؤ سپر جائنٹس کا ہوم گراؤنڈ ہے جہاں ٹیم اپنے سات میچ کھیلے گی، باقی سات میچ دوسرے شہروں میں کھیلے جائیں گے۔
یہ بھی پڑھیں: IPL 2023 : پنت کے بغیر بھی دہلی کیپٹلس کی پوزیشن مضبوط، لیکن وکٹ کیپنگ کا مسئلہ؟
یو این آئی
