لکھنؤ: گینگسٹر سنجیو مہیشوری جیوا کو بدھ کو اترپردیش کی راجدھانی لکھنؤ میں ایک کورٹ کے احاطے میں گولی مار کر قتل کر دیا گیا۔ اس واقعہ کے بعد مشتعل وکلاء عدالت کے باہر جمع ہوگئے اور عدالت کے اندر سیکیورٹی انتظامات کے خلاف احتجاج کیا اور نعرے بازی کی۔ عدالت کے احاطے میں اس تشدد سے مشتعل وکلاء نے پولیس اور انتظامیہ کے خلاف نعرے بازی کی۔ وکلاء نے پولیس پر امن و امان کو یقینی بنانے میں ناکام ہونے کا الزام لگایا۔ وکلاء نے سکیورٹی کے سخت انتظامات کا مطالبہ کیا۔
وزیر اعلیٰ یوگی آدتیہ ناتھ نے لکھنؤ عدالت کے احاطے میں فائرنگ اور قتل کیس کی تحقیقات کے لیے تین رکنی ایس آئی ٹی ٹیم تشکیل دی ہے۔ آئی پی ایس موہت اگروال، اے ڈی جی ٹیکنیکل ایل کے او جے سی پی کرائم نیلابجا چودھری اور آئی جی ایودھیا پراوین کمار کو ایک ہفتہ میں تحقیقات مکمل کرنے کی ہدایت دی گئی ہے۔ اس کے ساتھ ہی واقعہ کے فوراً بعد ڈی جی پی وجے کمار نے تمام ضلعی عدالتوں میں فوری طور پر سیکورٹی بڑھانے کی ہدایات دیں۔
